புது தில்லி: 2021-22-ஆம் ஆண்டு காரீப் சந்தைப் பருவத்தில் முதல் சில நாள்களிலேயே நெல் கொள்முதல் மூலம் சுமாா் 30,000 விவசாயிகள் பயனடைந்துள்ளனா்.

கடந்த 3 முதல் 5-ஆம் தேதி வரை 2,87,552 மெட்ரிக் டன் நெல் கொள்முதல் செய்யப்பட்டு, 29,907 விவசாயிகளுக்கு குறைந்தபட்ச ஆதரவு விலையாக ரூ.563.60 கோடி வழங்கப்பட்டது. இதில் பஞ்சாப், ஹரியாணாவைச் சோ்ந்த விவசாயிகள் அதிகம் பயனடைந்தனா்.

முன்னதாக, 2020-21-ஆண்டில் காரீப் நெல் கொள்முதல் 894.24 லட்சம் மெட்ரிக் டன்னாக இருந்தது. இதன்மூலம் சுமாா் 131.14 லட்சம் விவசாயிகள், ரூ.1,68,832.78 கோடி குறைந்தபட்ச ஆதரவு விலை பெற்று பயனடைந்தனா்.

2021-22 ராபி சந்தைப் பருவத்தில், 433.44 லட்சம் மெட்ரிக் டன் கோதுமை கொள்முதல் செய்யப்பட்டது. இதற்காக 49.20 லட்சம் விவசாயிகள் ரூ.85,603.57 கோடி குறைந்தபட்ச ஆதரவு விலை பெற்றுள்ளனா் என்று மத்திய உணவுத் துறை அமைச்சகம் தெரிவித்துள்ளது.