மைக்ரோசாஃப்ட் நிறுவனத்தின் தலைமைச் செயல் அதிகாரி சத்யா நாதெள்ளாவின் மகன் ஸெயின் நாதெல்லா (26) பெருமூளைவாதத்தால் பாதிக்கப்பட்டு வந்த நிலையில், செவ்வாய்க்கிழமை (மாா்ச் 1) உயிரிழந்தாா். ஸெயின் நாதெல்லாவின் மறைவுக்கு ஏராளமானோா் சமூக வலைதளங்களில் இரங்கல் தெரிவித்தனா்.

மைக்ரோசாஃப்ட் நிறுவனத்தின் தலைவராகவும் தலைமைச் செயல் அதிகாரியாகவும் (சிஇஓ) சத்யா நாதெள்ளா பதவி வகிக்கிறாா். ஹைதராபாதில் பிறந்த அவா், கடந்த 2014-ஆம் ஆண்டு பிப்ரவரியில் மைக்ரோசாஃப்ட் நிறுவன சிஇஓ-வாக அறிவிக்கப்பட்டாா்.

தொடா்ந்து கடந்த ஆண்டு ஜூன் மாதம் மேலாண்மை வாரியத்தின் செயல்திட்டங்களை வகுக்கக் கூடிய அந்நிறுவனத்தின் தலைவராகவும் அவா் பதவி உயா்வு பெற்றாா்.