உத்தரகண்ட், கோவா மாநிலங்களில் 11 மணி நிலவரப்படி பாஜக முன்னிலை பெற்றுள்ளது. பஞ்சாப்பில் ஆம் ஆத்மி முன்னிலையில் உள்ளது.

உத்தரப் பிரதேசம், உத்தரகண்ட், பஞ்சாப் உள்ளிட்ட 5 மாநிலங்களுக்கான சட்டப்பேரவைத் தேர்தலில் பதிவான வாக்குகள் எண்ணப்பட்டு வருகின்றன.

இந்நிலையில் காலை 11 மணி நிலவரப்படி, உத்தரப் பிரதேசம், உத்தரகண்ட், மணிப்பூர் மாநிலங்களில் பாஜக முன்னிலை பெற்றுள்ளது.

கோவாவில் பாஜக 18, காங்கிரஸ் 12, ஆம் ஆத்மி 1 தொகுதிகளில் முன்னிலை வகித்து வருகிறது. சுயேச்சைகள் 3 தொகுதிகளிலும், கோவா ஃபார்வர்டு கட்சி ஒரு தொகுதியிலும், இதர கட்சிகள் 5 இடங்களில் முன்னிலையில் உள்ளது.

பஞ்சாப்பில், மொத்தமுள்ள 117 தொகுதிகளில், ஆம் ஆத்மி கட்சி 89 தொகுதிகளிலும், காங்கிரஸ் - 13, சிரோன்மணி அகாலிதளம் - 7, பாஜக - 5, பகுஜன் சமாஜ் - 2, சுயேச்சை 1 தொகுதியிலும் முன்னிலையில் உள்ளது.

உத்தரகண்டில் மொத்தமுள்ள 70 தொகுதிகளில் பாஜக 44, காங்கிரஸ் 22, பகுஜன் சமாஜ் 2 தொகுதியிலும், சுயேச்சைகள் 2 தொகுதியிலும் முன்னிலை பெற்றுள்ளன.