உலகம் முழுவதும் பல்வேறு நாடுகளில் இன்ஸ்டாகிராம் செயலி சுமார் ஒரு மணி நேரம் முடங்கியது. இதனால் பயனர்கள் அவதிக்குள்ளாகினர். 

சமூக வலைத்தளங்களில் ஒன்றான தற்போது அதிகம் பேர் பயன்படுத்தக்கூடிய இன்ஸ்டாகிராம் செயலி அமெரிக்கா, தென் அமெரிக்கா, ஆசியா மற்றும் ஐரோப்பா போன்ற பகுதிகளில் நேற்று இரவு ஒரு மணி நேரம் முடங்கியது. 

இந்தியாவில் நேற்றிரவு 10.30 மணி முதல் ஒரு மணி நேரத்திற்கு இன்ஸ்டாகிராம் சேவை பாதிக்கப்பட்டது. 

இதனையடுத்து சேவை பாதிப்பை உறுதிசெய்த அந்நிறுவனம் சில மணி நேரங்களில் சேவையை சரிசெய்தது. 

இன்ஸ்டாகிராம் சேவை பாதிக்கப்பட்டதையடுத்து நெட்டிசன்கள் அதனை சமூக வலைத்தளங்களில் ட்ரெண்ட் செய்து வருகின்றனர்.