திமுக தலைவர் கருணாநிதி விரும்பும் மாற்றம்

திமுக தலைவர் கருணாநிதி சென்னையில் இன்று செய்தியாளர்களை சந்தித்த போது, சென்னையில் அவர் விரும்பும் மாற்றம் குறித்து பேசினார்.

சென்னை அறிவாலயத்தில் செய்தியாளர்களை சந்தித்தார் கருணாநிதி. அப்போது, சென்னை நகரத்தின் வயது 375 ஆகிறது. இதையொட்டி என்ன சொல்ல விரும்புகிறீர்கள் என்று செய்தியாளர்கள் கேட்டதற்கு, சென்னைக்கு என்னுடைய வாழ்த்துக்கள் என்று கூறினார்.

சென்னையின் பிறந்த நாள் இன்று என்பதைத் தொடர்ந்து, தற்போதுள்ள நிலையில் என்ன மாற்றம் ஏற்பட வேண்டும் என்று நினைக்கிறீர்கள் என்று செய்தியாளர்கள் கேட்டதற்கு, இப்போது மாற்றப்பட வேண்டியது இப்போது நடைபெறுகின்ற ஆட்சிதான் என்று கருணாநிதி பதிலளித்தார்.