விருதுநகர் பகுதியில் பகல் முழுவதும் கடும் வெய்யில் அடித்த நிலையில், மாலையில் இடி மின்னலுடன் பலத்த மழை பெய்து பூமி குளிர்வித்ததால் பொதுமக்கள் மகிழ்ச்சி அடைந்துள்ளனர்.

விருதுநகரில் காலை முதல் மாலை 5 மணி வரையில் கடும் வெய்யில் வாட்டி வதைத்தது. அதோடு, வெளியில் நடமாட முடியாத அளவிற்கு வெக்கையாகவும் இருந்தது. இதையடுத்து மாலையில் 5.30 மணிக்கு வெயிலின் தாக்கம் குறைந்து கருமேகம் சூழ்ந்து மின்னல் வெட்டு ஏற்பட்டது.

பின்னர் இரவு 7 மணிக்கு பலத்த இடி மின்னலுடன் மழை பெய்யத் தொடங்கியது. எனவே பகலில் ஏற்பட்ட கடும் வெப்பத்தை மாலையில் மழை பெய்து தணித்தது. இதனால் விருதுநகர் பகுதி பொதுமக்கள் மகிழ்ச்சி அடைந்துள்ளனர்.