தேசியவாத காங்கிரஸ் கட்சி தலைவர் சரத் பவாருக்கு முதல்வர் மு.க. ஸ்டாலின் பிறந்த நாள் வாழ்த்து தெரிவித்துள்ளார்.

சரத் பவார் வியாழக்கிழமை(டிச.12) தனது 84 ஆவது பிறந்தநாளை கொண்டாடுகிறார்.

இதையொட்டி அவருக்கு தலைவர்கள், பிரபலங்கள், தொண்டர்கள் என பலரும் வாழ்த்துகளை தெரிவித்து வருகின்றனர்.

அந்த வகையில், சரத்பவாருக்கு தமிழக முதல்வர் மு.க.ஸ்டாலின் பிறந்த நாள் வாழ்த்து தெரிவித்துள்ளார்.

இதையும் படிக்க | ரஜினி பிறந்த நாள்: முதல்வர் ஸ்டாலின் வாழ்த்து!

இது தொடர்பாக அவர் எக்ஸ் பக்கத்தில் வெளியிட்டுள்ள வாழ்த்து செய்தியில் கூறியிருப்பதாவது:

தேசியவாத காங்கிரஸ் (சரத்சந்திர பவார்) கட்சியின் தலைவர் சரத் பவாருக்கு என் நெஞ்சம் நிறைந்த பிறந்தநாள் வாழ்த்துகள்.

பொதுவாழ்விலும் நாட்டின் வளர்ச்சியிலும் தங்களது அளப்பரிய பங்களிப்புகள் பெரும் ஊக்கமாக விளங்குகின்றன.

தங்களது சீரிய தலைமை தொடர, நல்ல உடல்நலத்துடனும் வலிவோடும் தாங்கள் திகழ விழைகிறேன் என தெரிவித்துள்ளார்.