தெலுங்கு ‘பிக் பாஸ்’ க்காக ஜூனியர் என் டி ஆர் வாங்கப் போகும் அதிர வைக்கும் சம்பளம்!

இந்தியில் சல்மான் கான் தொகுத்து வழங்கிய, தமிழில் கமல் தொகுத்து வழங்கப் போகும் பிக் பாஸ் நிகழ்ச்சியை தெலுங்கில் ஜூனியர் என் டி ஆர் தொகுத்து வழங்கப் போவதாக டோலிவுட்டில் ஒரு பேச்சிருக்கிறது. ஸ்டார் மா டி.வி யின் இந்த நிகழ்ச்சிக்காக ஜூனியரின் பெயரை அவர்களுக்கு டிக் அடித்துக் கொடுத்த சீனியர்கள் சிரஞ்சீவியும், நாகார்ஜுனாவும் தானாம். அதனால் ஜூனியர் இந்த வாய்ப்பை ஏற்றுக் கொள்வதில் எந்த வித சிக்கலும் இருக்கப் போவதில்லை. தற்போது தனது சகோதரரான நந்தமூரி கல்யாண்ராமின் தயாரிப்பில் ஜெய் லவ குசா படப்பிடிப்பு வேலைகளில் பிஸியாக இருக்கும் ஜூனியர் என் டி ஆர் அந்த வேலைகள் முடிந்ததும் ஸ்டார் மா டி.வி காரர்களின் வாய்ப்பை ஒப்புக் கொள்ளப் போவதாக டி.வி தரப்பில் கூறப்படுகிறது. 

பிரபலங்களை ஒரே இடத்தில் தங்க வைத்து அவர்களது நடவடிக்கைகளை கண்காணிக்கும் இந்த நிகழ்ச்சிக்கு ஜூனியருக்கு பேசப்பட்ட சம்பளம் எவ்வளவு தெரியுமா? அதிர்ந்து விடாதீர்கள்... 10 எபிசோடுகளுக்கு 8 கோடி ரூபாய்களாம்.