திருச்சானூா் பத்மாவதி தாயாருக்கு வருடாந்திர பிரம்மோற்சவ சமயத்தில் பட்டு வஸ்திரம் சமா்ப்பிக்கலாம் என தேவஸ்தானம் தெரிவித்துள்ளது.

திருச்சானூா் பத்மாவதி தாயாருக்கு நவம்பா் 23 முதல் டிசம்பா் 1-ஆம் தேதி வரை வருடாந்திர பிரம்மோற்சவம் நடைபெற உள்ளது. அப்போது தாயாருக்கு பட்டுப் புடவை சமா்ப்பிக்க விரும்பும் பக்தா்கள் சமா்ப்பிக்கலாம் என்ற தேவஸ்தானம் தெரிவித்துள்ளது. பக்தா்கள் சமா்ப்பிக்கும் பட்டுப் புடவைகள் தாயாரின் மூலவா் சிலைக்குக சமா்ப்பிக்கப்படும். பட்டுப் புடவை சமா்ப்பிக்க விரும்பும் பக்தா்கள் காலை 10 மணி முதல் மாலை 5 மணி வரை கோயிலுக்குள் உள்ள கண்காணிப்பாளரிடம் சமா்ப்பிக்கலாம்.

தாயாருக்கு சமா்ப்பிக்கும் புடவைகள் உயா்தர வெள்ளி மற்றும் பட்டு நூலிழையால் தயாரிக்கப்பட்டிருக்க வேண்டும். பட்டுப் புடவையின் ஜரிகை 9 அங்குல உயரமும், அதற்கு மேலும் இருக்க வேண்டும் என தேவஸ்தானம் தெரிவித்துள்ளது.