ஆஸ்திரேலியாவின் முன்னணி வேகப்பந்து வீச்சாளர் ரியான் ஹாரிஸ் கிரிக்கெட்டில் இருந்து ஓய்வு பெற்றுள்ளார். ஆஷஸ் தொடர் தொடங்குவதற்கு ஒருவாரத்துக்கு முன்பு ஆஸ்திரேலியாவுக்கு இந்த அதிர்ச்சிச் செய்தி கிடைத்துள்ளது.

ஹாரிஸ், ஆஷஸ் டெஸ்ட் தொடரில் இடம்பெற்றிருந்தார். கடந்த சில நாள்களுக்கு முன்பு கெண்ட் அணிக்கு எதிரான போட்டியில் விளையாடினார். அப்போது அவரது முழங்காலில் காயம் ஏற்பட்டது. மேலும், அவரால் டெஸ்ட் தொடரில் இடம்பெறமுடியாத நிலை ஏற்பட்டது. இதனால் அவர் கிரிக்கெட்டிலிருந்து ஓய்வு பெறும் முடிவை எடுத்துள்ளார்.

35 வயதான ஹாரிஸ் இதுவரை 27 டெஸ்டுகள் மற்றும் 21 ஒருநாள் போட்டிகளில் ஆடியுள்ளார். ஹாரிஸூக்குப் பதிலாக கம்மின்ஸ் ஆஸ்திரேலியா அணியில் சேர்க்கப்பட்டுள்ளார்.