ஆஉலக டெஸ்ட் சாம்பியன்ஷிப் தவரிசையில் பாகிஸ்தான் அணி 8-வது இடத்துக்கு சறுக்கியுள்ளது.

வங்கதேசத்துக்கு எதிராக ராவல்பிண்டியில் நடைபெற்ற முதல் டெஸ்ட் போட்டியில் பாகிஸ்தான் அணி 10 விக்கெட்டுகள் வித்தியாசத்தில் தோல்வியைத் தழுவியது. இந்தத் தோல்வியின் மூலம் உலக டெஸ்ட் சாம்பியன்ஷிப் தவரிசையில் பாகிஸ்தான் 8-வது இடத்துக்கு சறுக்கியுள்ளது

16 புள்ளிகள் மற்றும் 22.22 வெற்றி சதவிகிதத்துடன் பாகிஸ்தான் அணி மேற்கிந்தியத் தீவுகளுக்கு முன்பாக 8-வது இடத்தில் உள்ளது. டெஸ்ட் கிரிக்கெட்டில் பாகிஸ்தானுக்கு எதிராக முதல் வெற்றியைப் பதிவு செய்த வங்கதேசம் 21 புள்ளிகளுடன் 7-வது இடத்தில் உள்ளது.

வங்கதேசத்துக்கு எதிரான முதல் டெஸ்ட் போட்டியின்போது பாகிஸ்தான் அணி மெதுவாக ஓவர் வீசியதால் அந்த அணிக்கு 6 புள்ளிகள் குறைக்கப்பட்டன. இதனையடுத்து, தரவரிசைப் பட்டியலில் பாகிஸ்தான் சரிவை சந்தித்தது. மெதுவாக பந்துவீசியதால் வங்கதேசத்துக்கும் 3 புள்ளிகள் குறைக்கப்பட்டன.

பாகிஸ்தான் மற்றும் வங்கதேசம் அணிகளுக்கு இடையேயான இரண்டாவது மற்றும் கடைசி டெஸ்ட் போட்டி ஆகஸ்ட் 30 ஆம் தேதி நடைபெறவுள்ளது.

உலக டெஸ்ட் சாம்பியன்ஷிப் தரவரிசையில் இந்திய அணி 74 புள்ளிகள் மற்றும் 68.52 சதவிகித வெற்றிகளுடன் முதலிடத்தில் உள்ளது குறிப்பிடத்தக்கது.