ஹாக்கி வெண்கலம் யாருக்கு?: ஜெர்மனியுடன் மோதவுள்ள இந்திய அணி

டோக்கியோ ஒலிம்பிக்ஸ் ஆடவர் ஹாக்கியில் வெண்கலப் பதக்கத்துக்கான போட்டியில் பலம் பொருந்திய ஜெர்மனியுடன் மோதுகிறது இந்திய அணி.

இன்று நடைபெற்ற அரையிறுதியில் உலக சாம்பியன் பெல்ஜியத்திடம் 2-5 என்கிற கோல் கணக்கில் தோற்றது இந்திய அணி. 1980-க்குப் பிறகு தங்கம் வெல்கிற கனவு இந்தத் தோல்வியால் தகர்ந்தது.  

மற்றொரு அரையிறுதியில் ஆஸ்திரேலியா ஜெர்மனியை 3-1 எனத் தோற்கடித்து இறுதிச்சுற்றுக்கு முன்னேறியுள்ளது.

இதையும் படிக்க | 2016-ல் ரூ. 3 கோடி, 2021-ல் ரூ. 30 லட்சம்: சிந்துவுக்குப் பரிசுத்தொகை அறிவித்த ஆந்திர அரசு 

இறுதிச்சுற்றில் பெல்ஜியம் - ஆஸ்திரேலியா ஆகிய இரு அணிகளும் மோதவுள்ளன. வெற்றி பெறும் அணிக்குத் தங்கப் பதக்கம் கிடைக்கும்.

இதையடுத்து வெண்கலப் பதக்கத்துக்கான போட்டியில் இந்தியாவும் ஜெர்மனியும் மோதவுள்ளன. கடந்த ரியோ ஒலிம்பிக்ஸில் ஜெர்மனி அணிக்கு வெண்கலம் கிடைத்தது. 

ஆகஸ்ட் 5 அன்று இந்தியா - ஜெர்மனி அணிகள் மோதவுள்ளன.