ஆசிய ஜூனியர் (19 வயதுக்குள்பட்டோருக்கானது) ஸ்குவாஷ் போட்டியில் இந்தியாவின் வேலவன் செந்தில்குமார் சாம்பியன் பட்டம் வென்றார்.
மலேசிய தலைநகர் கோலாலம்பூரில் நடைபெற்ற இந்தப் போட்டியின் இறுதி ஆட்டத்தில் சென்னையைச் சேர்ந்த வேலவன் 12-14, 9-11, 11-6, 11-8, 11-7 என்ற செட் கணக்கில் ஜோர்டானின் முகமது அல் சராஜை தோற்கடித்தார்.
இதன்மூலம் ஜூனியர் ஸ்குவாஷ் போட்டியில் சாம்பியன் பட்டம் வென்ற 2-ஆவது இந்தியர் என்ற பெருமையைப் பெற்றுள்ளார். முதல் இந்தியர் ரவி தீட்சித் ஆவார். அவர் 2010-இல் இந்தப் போட்டியில் சாம்பியன் பட்டம் வென்றார்.