ஐபிஎல் போட்டியின் சூப்பர் ஸ்டார் என்றால் அவர் ஒருவர்தான். சுரேஷ் ரெய்னா. 

இதுவரையிலான 10 ஐபிஎல்-களிலும் அவர் முத்திரை பதித்துள்ளார். 8 முறை 400 ரன்களுக்கு மேல் எடுத்துள்ளார். இருமுறை 374, 399 ரன்கள் எடுத்தார். சமீபத்தில் அவர் ஐபிஎல்-லில் 4500 ரன்கள் எடுத்த முதல் வீரர் என்கிற பெயரைத் தட்டியுள்ளார். இதற்கு முன் ஐபிஎல்-லின் முதல் 1500 ரன்கள், 2000 ரன்கள், 2500 ரன்கள், 3000 ரன்கள், 3500 ரன்கள் எடுத்தவரும் ரெய்னாதான்.

ரெய்னா இதுவரையிலான ஐபிஎல் போட்டிகளில் எடுத்த ரன்கள்:

2008 - 421
2009 - 434
2010 - 520
2011 - 438
2012 - 441
2013 - 548
2014 - 523
2015 - 374
2016 - 399
2017 - 434*

ரெய்னாவுக்கு அடுத்த சிறந்த பேட்ஸ்மேன் என ரோஹித் சர்மாவைச் சொல்லலாம். ரெய்னா 8 முறை 400 ரன்களைக் கடந்தார் என்றால் அவர் 6 முறை அந்த இலக்கைத் தாண்டியுள்ளார். கம்பீரும் வார்னரும் 5 முறை 400 ரன்களுக்கு அதிகமாக எடுத்துள்ளார்கள்.