ஐசிசி ஒருநாள் உலகக் கோப்பை 2019 வரும் மே 30 முதல் ஜூலை 14-ம் தேதி வரை இங்கிலாந்தில் நடைபெறவுள்ளது.

இந்தப் போட்டிக்கான ஆஸ்திரேலிய அணி இன்று அறிவிக்கப்பட்டுள்ளது. ஃபிஞ்ச் தலைமையிலான இந்த அணியில் ஸ்மித், வார்னர் இடம்பெற்றிருந்தபோதும் கடந்த சில மாதங்களாகச் சிறப்பாக விளையாடி வரும் ஹேண்ட்ஸ்காம்ப், டர்னர் ஆகியோர் அணியில் சேர்க்கப்படவில்லை. இது ஆச்சர்யத்தை வரவழைத்துள்ளது. அதேபோல மாற்று விக்கெட் கீப்பரும் தேர்வு செய்யப்படவில்லை. ஹேஸில்வுட்டுக்கும் அணியில் இடம் கிடைக்கவில்லை.

ஆஸி. அணி: ஆரோன் ஃபிஞ்ச் (கேப்டன்), டேவிட் வார்னர், ஸ்டீவ் ஸ்மித், உஸ்மான் கவாஜா, ஷான் மார்ஷ், கிளென் மேக்ஸ்வெல், மார்கஸ் ஸ்டாய்னிஸ், அலெக்ஸ் கேரி (விக்கெட் கீப்பர்), பேட் கம்மின்ஸ், மிட்செல் ஸ்டார்க், ஜை ரிச்சர்ட்சன், நாதன் கோல்டர் நைல், ஜேஸன் பெஹ்ரென்டார்ஃப், ஆடம் ஸாம்பா, நாதன் லயன்.