23 வயதுக்குட்பட்டோர் ஆசிய வாலிபால் ஆடவர் சாம்பியன்ஷிப் போட்டி இறுதிச் சுற்றுக்கு முதன்முறையாக இந்திய அணி தகுதி பெற்றுள்ளது. அரையிறுதியில் பாகிஸ்தானை 3-1 என்ற செட் கணக்கில் வீழ்த்தியது.
சனிக்கிழமை இரவு நடைபெற்ற அரையிறுதி ஆட்டத்தில் பாகிஸ்தானை எதிர்கொண்டது. முதல் செட்டை 21-25 என்ற வென்ற போதிலும், அடுத்த 3 செட்களை வெல்ல தவறியது பாகிஸ்தான். இந்திய அணி 25-16, 25-22, 25-18 என அபாரமாக ஆடி இறுதிச் சுற்றில் நுழைந்தது.
இரண்டாவது செட்டில் இந்திய வீரர்கள் ஷான் ஜான், அமித் குலியா தங்கள் வழக்கமான ஆட்டத்தை வெளிப்படுத்தினர். நான்காவது செட்டில் எந்த நிர்பந்தமும் இல்லாமல் சிறப்பாக ஆடியது இந்தியா. 
சீன தைபேவுடன் மோதல்: மற்றொரு அரையிறுதியில் ஜப்பானை 3-2 என்ற செட் கணக்கில் போராடி வென்றது சீன தைபே.
ஞாயிற்றுக்கிழமை இறுதி ஆட்டத்தில் இந்தியா-சீனதைபே அணிகள் மோதுகின்றன.