மலேசிய மாஸ்டர்ஸ் பாட்மிண்டன் போட்டி காலிறுதிக்கு இந்தியாவின் சாய்னா நெவால், ஸ்ரீகாந்த் ஆகியோர் தகுதி பெற்றனர்.
வியாழக்கிழமை நடைபெற்ற மகளிர் ஒற்றையர் இரண்டாம் சுற்றில் 21-14, 21-16 |என்ற கேம் கணக்கில் ஹாங்காங்கின் பிய் யின் யிப்பை வென்று காலிறுதிக்கு முன்னேறினார், அதில் உலகின் இரண்டாம் நிலை வீராங்கனை ஜப்பானின் ஒஹுராவை எதிர்கொள்கிறார். 
கிடாம்பி ஸ்ரீகாந்த்: ஆடவர் ஒற்றையர் பிரிவில் இந்திய வீரர் ஸ்ரீகாந்த் 23-21, 8-21, 21-18 என்ற கேம் கணக்கில் ஹாங்காங்கின் வொங் விங் கியை போராடி வென்று காலிறுதிக்கு முன்னேறினார். அதில் கொரியாவின் சன் வேன் ஹோவிடம் மோதுகிறார். 
அதே நேரத்தில் மற்றொரு நட்சத்திரமான பாருபல்லி காஷ்யப் 17-21, 23-25 என்ற கேம் கணக்கில் இந்தோனேஷியாவின் அந்தோணி சினிசுகாவிடம் போராடி தோல்வியுற்றார். மகளிர் இரட்டையர் பிரிவில் அஸ்வினி பொன்னப்பா-சிக்கி ரெட்டி இணை 18-21, 17-21 என மகாதேவி-ரிஸ்கி அமெலியா இணையிடம் தோல்வியுற்று வெளியேறியது.