ஐபிஎல் 2019 போட்டியின் போது ஆட்டச் சுமையை நிர்வகிப்பதில் ஒவ்வொரு வீரருக்கும் தேவைகள், அளவகோல் மாறுபடும் என ஜாம்பவான் சச்சின் டெண்டுல்கர் கூறியுள்ளார்.
உலகக் கோப்பை போட்டி நடைபெறவுள்ள நிலையில், ஐபிஎல் போட்டிகளின் போது இந்திய வீரர்கள் ஆட்டச்சுமையை சிறப்பாக நிர்வகித்து காயங்கள் ஏற்படாமல் பார்த்துக் கொள்ள வேண்டும் என கேப்டன் கோலி கூறியிருந்தார்.
இதுதொடர்பாக சச்சின் திங்கள்கிழமை கூறியதாவது:
ஆட்டச்சுமை தொடர்பாக ஒவ்வொரு வீரருக்கும் வெவ்வேறு வகை அளவுகோல்கள் உள்ளன, இதுதொடர்பாக ஏராளமான விவாதங்கள் நடத்தப்பட்டு வருகின்றன. உலகக் கோப்பைக்கு முன்பு இந்திய வீரர்கள் சுமையை எவ்வாறு நிர்வாகம் செய்வது என ஆலோசிக்கப்பட்டுள்ளது.
இதுவும் வீரருக்கு வீரர் மாறுபடும். இதில் வீரர்கள் தான் கவனம் செலுத்த வேண்டும் என கோலி கூறியதை ஏற்கிறேன்.