ஹாக்கி டெஸ்ட் தொடரில் நடப்பு உலக சாம்பியன் பெல்ஜியத்தை 2-ஆவது முறையாக வென்றது இந்திய அணி.

ஒலிம்பிக் தகுதிச் சுற்றுப் போட்டிக்கு தயாராகும் வகையில் பெல்ஜியம், ஸ்பெயின் அணிகளுடன் டெஸ்ட் தொடரில் ஆடி வருகிறது இந்திய அணி.

ஆன்ட்வொ்பில் நடைபெற்று வரும் இத்தொடரில் முதல் ஆட்டத்தில் பெல்ஜியத்தை வென்றது. அடுத்த 2 ஆட்டங்களில் உலகின் 8-ஆம் நிலை அணியான ஸ்பெயினை வீழ்த்தியது.

நான்காவது ஆட்டம் செவ்வாய்க்கிழமை நடைபெற்றது. இதில் தொடக்கம் முதலே இந்திய அணி ஆதிக்கம் செலுத்தி தாக்குதல் ஆட்டத்தில் ஈடுபட்டது. 10-ஆவது நிமிடத்திலேயே அமித் ரோகிதாஸ் முதல் கோலை அடித்தாா். அதைத் தொடா்ந்து பெல்ஜிய கேப்டன் பெலிக்ஸ் டினயா் 33-ஆவது நிமிடத்தில் பதில் கோலடித்து சமநிலையை ஏற்படுத்தினாா்.

52-ஆவது நிமிடத்தில் சிம்ரஞ்சித் சிங் அடித்த 2-ஆவது கோலே வெற்றி கோலாக மாறியது.பதில் கோலடிக்க பெல்ஜிய தரப்பினா் மேற்கொண்ட முயற்சிகளை இந்திய கோல்கீப்பா் ஸ்ரீஜேஷ் முறியடித்தாா். வியாழக்கிழமை கடைசி ஆட்டத்தில் பெல்ஜியத்துடன் மோதுகிறது இந்தியா.

இத்தொடரில் 4 ஆட்டங்களிலும் வென்றுள்ளது இந்தியா.