பான் பசிபிக் ஓபன் டபிள்யுடிஏ டென்னிஸ் போட்டி காலிறுதிச் சுற்றுக்கு முன்னணி வீராங்கனை நவோமி ஒஸாகா தகுதி பெற்றுள்ளார்.
2 முறை கிராண்ட்ஸ்லாம் சாம்பியனான ஒஸாகா, கடந்த வாரம் நடைபெற்ற யுஎஸ் ஓபன் போட்டியில் ரவுண்ட் 16 சுற்றோடு வெளியேறினார். இதற்கிடையே டோக்கியோவில் நடைபெறும் பான் பசிபிக் போட்டியில் பங்கேற்ற அவர் இரண்டாவது சுற்றில் பல்கேரியாவின் விக்டோரியா டோமவோவை 7-5, 6-3 என்ற நேர் செட்களில் வீழ்த்தி காலிறுதிச் சுற்றுக்கு தகுதி பெற்றார்.
ஜெர்மனியின் கெர்பர் 6-2, 6-4 என நிக்கோல் கிப்ஸை வீழ்த்தினார். மடிஸன் கீய்ஸ் 5-7, 6-0, 6-4 என கஜகஸ்தானின் ஜரீனாவை வென்றார்.