இங்கிலாந்து கால்பந்து வீரா் ஜோ கோமேஸுக்கு முழங்காலில் காயம் ஏற்பட்டுள்ளது.

இங்கிலாந்து அணி, அயா்லாந்துடன் நட்புறவு கால்பந்து போட்டியில் மோதவுள்ள நிலையில், அதற்காக பயிற்சியில் ஈடுபட்டிருந்தபோது கோமேஸுக்கு முழங்காலில் காயம் ஏற்பட்டது. இதுதொடா்பாக இங்கிலாந்து அணியின் பயிற்சியாளா் கரீத் சௌத்கேட் கூறுகையில், ‘கோமேஸின் காயம் குறித்து இன்னும் தெளிவாகத் தெரியவில்லை’ என்றாா்.

இதேபோல், கிளப் கால்பந்து போட்டியில் லிவா்பூல் அணிக்காக கோமேஸ் விளையாடி வருகிறாா். தற்போது கோமேஸுக்கு காயம் ஏற்பட்டிருப்பது லிவா்பூல் அணிக்கு பெரும் பின்னடைவாக அமைந்துள்ளது. அந்த அணியில் பின்கள வீரா் விா்ஜில் வான் டிக் ஏற்கெனவே முழங்கால் காயத்தாலும், பேபியானோ தொடையில் ஏற்பட்ட காயத்தாலும், டிரென்ட் அலெக்சாண்டா் தொடையில் ஏற்பட்ட பிரச்னையாலும் ஓய்வில் இருக்கிறாா்கள். இந்த நிலையில் கோமேஸுக்கு காயம் ஏற்பட்டிருப்பது லிவா்பூல் அணிக்கு பின்னடைவை ஏற்படுத்தியுள்ளது.