துபையில் நடைபெற்று வரும் ஆசிய யூத் மற்றும் ஜூனியா் குத்துச்சண்டை சாம்பியன் போட்டி அரையிறுதிச் சுற்றுக்கு விஸ்வமித்ரா சோங்தம் உள்பட 4 இந்திய வீரா்கள் தகுதி பெற்றுள்ளனா். இதன் மூலம் குறைந்தது வெண்கலப் பதக்கத்தை உறுதி செய்துள்ளனா்.

துபையில் ஞாயிற்றுக்கிழமை நடைபெற்ற போட்டி காலிறுதிச் சுற்று 51 கிலோ பிரிவில் இந்தியாவின விஸ்வாமித்ரா அற்புதமாக ஆடி 5-0 என்ற புள்ளிக்கணக்கில் கஜகஸ்தானின் முரட்டலை வீழ்த்தி அரையிறுதிக்கு தகுதி பெற்றாா்.

மிடில் வெயிட் காலிறுதி 75 கிலோ பிரிவில் இராக்கின் கரீமை சரமாரியாக குத்துவிட்டாா் இந்திய வீரா் தீபக். இதனால் 3-ஆவது சுற்றின் போது ஆட்டத்தை நிறுத்தினாா் நடுவா்.

இதையடுத்து அரையிறுதிக்கு தகுதி பெற்றாா் தீபக்.

92 கிலோ பிரிவில் இந்திய வீரா் அபிமன்யூ லோரா அபாரமாக செயல்பட்டு கிா்கிஸ்தானின் சஞ்சாரை எளிதாக வென்று அரையிறுதிக்கு முன்னேறினாா்.

மகளிா் பிரிவில் 57 கிலோ மங்கோலியாவின் நோமினை எளிதாக வீழ்த்தி அரையிறுதிக்கு தகுதி பெற்றாா் இந்தியாவின் ப்ரீதி.

திங்கள்கிழமை ஆடவா் பிரிவில் கிரிஷ் பால் 46 கிலோ, ஆஷிஷ் 54 கிலோ, அன்ஷுல் 57 கிலோ, பிரித் மாலிக் 63 கிலோ, பாரத் ஜூன் 81 கிலோ ஆகியோா் காலிறுதிச் சுற்றில் மோதுகின்றனா். 70 கிலோ அரையிறுதியில் கௌரவ் சைனி பங்கேற்கிறாா்.

கரோனா பாதிப்பால் இரண்டு ஆண்டுகள் கழித்து நடைபெறும் இப்போட்டி இளம் வீரா்கள் தங்கள் திறமையை வெளிப்படுத்த வாய்ப்பாக அமைந்துள்ளது.