கவுன்டி கிரிக்கெட்டில் விளையாடும் ஷுப்மன் கில்

பிரபல கிரிக்கெட் வீரர் ஷுப்மன் கில், கவுன்டி கிரிக்கெட்டில் விளையாடுவதற்கான ஒப்பந்தத்தில் கையெழுதிட்டுள்ளார்.

ஜிம்பாப்வேக்கு எதிரான 3-வது ஆட்டத்தில் இந்தியா 13 ரன்கள் வித்தியாசத்தில் வென்றது. இதன் மூலம் ஒருநாள் தொடரை 3-0 என்ற கணக்கில் முழுமையாகக் கைப்பற்றியிருக்கிறது இந்தியா. இந்தியாவின் ஷுப்மன் கில் ஆட்டநாயகன், தொடர்நாயகன் ஆனார். சிறப்பாக விளையாடிய 22 வயது ஷுப்மன் கில், 130 ரன்களுக்கு ஆட்டமிழந்தார். 97 பந்துகளில் 1 சிக்ஸர், 15 பவுண்டரிகள் அடித்தார். இது அவருடைய முதல் ஒருநாள் சதம். ஜிம்பாப்வே நாட்டில் அதிக ஒருநாள் ரன்களை எடுத்த இந்திய வீரர் என்கிற பெருமையைப் பெற்றுள்ளார் ஷுப்மன் கில். இதற்கு முன்பு சச்சின் டெண்டுல்கர், 1998-ல் 127* ரன்கள் எடுத்ததே சாதனையாக இருந்தது. அச்சாதனையை ஷுப்மன் கில் தாண்டியுள்ளார். இதன் காரணமாக ஒருநாள் தரவரிசையில் ஷுப்மன் கில் முன்னேற்றம் அடைந்துள்ளார். சமீபத்திய ஒருநாள் தரவரிசைப் பட்டியலில் அவர் 38-வது இடத்தைப் பிடித்துள்ளார்.

இந்நிலையில் இங்கிலாந்து கவுன்டி கிரிக்கெட்டில் விளையாடவுள்ளார் ஷுப்மன் கில். கிளாமர்கன் அணியில் விளையாடுவதற்கான ஒப்பந்தத்தில் கையெழுத்திட்டுள்ளார். இந்த வருட இங்கிலாந்து கவுன்டி கிரிக்கெட்டில் விளையாடவுள்ள 7-வது இந்திய வீரர் ஷுப்மன் கில். புஜாரா, வாஷிங்டன் சுந்தர், கிருனாள் பாண்டியா, சிராஜ், உமேஷ் யாதவ், நவ்தீப் சைனி ஆகியோர் கவுன்டி அணிகளில் இடம்பெற்றுள்ளார்கள். ரவி சாஸ்திரி, கங்குலி ஆகியோருக்குப் பிறகு கிளாமர்கன் அணியில் விளையாடு 3-வது இந்திய வீரர், ஷுப்மன் கில்.