இத்தாலியன் ஓபன் டென்னிஸ் போட்டியில் கிரீஸின் ஸ்டெஃபானோஸ் சிட்சிபாஸ் அரையிறுதிச்சுற்றுக்கு வெள்ளிக்கிழமை முன்னேறினாா்.

காலிறுதிச்சுற்றில், போட்டித்தரவரிசையில் 5-ஆம் இடத்திலிருக்கும் அவா், 6-3, 6-4 என்ற செட்களில், போட்டித்தரவரிசையில் 15-ஆவது இடத்திலிருந்த குரோஷியாவின் போா்னா கோரிச்சை வென்றாா். சிட்சிபாஸ் அடுத்ததாக தனது அரையிறுதியில், ரஷியாவின் டேனியல் மெத்வதெவின் சவாலை எதிா்கொள்ள இருக்கிறாா்.

இதனிடையே, மகளிா் ஒற்றையா் பிரிவில், உக்ரைனின் அன்ஹெலினா கலினினா முதல் வீராங்கனையாக இறுதிச்சுற்றுக்கு முன்னேறினாா். போட்டித்தரவரிசையில் 30-ஆம் இடத்திலிருக்கும் அவா் தனது அரையிறுதியில் 7-5, 5-7, 6-2 என்ற செட்களில், 11-ஆவது இடத்திலிருந்த ரஷியாவின் வெரோனிகா குதா்மிடோவாவை வெளியேற்றினாா். கலினினா இறுதிச்சுற்றில், கஜகஸ்தானின் எலனா ரைபாகினா அல்லது லாத்வியாவின் ஜெலினா அஸ்டபென்கோ ஆகியோரில் ஒருவருடன் பலப்பரீட்சை நடத்துவாா்.