செல்ஸி கால்பந்து அணி முதல்முறையாக கான்ஃபரன்ஸ் லீக் கோப்பையை வென்றது.

கான்ஃபரன்ஸ் லீக் இறுதிப் போட்டியில் ரியல் பெட்டிஸ், செல்ஸு அணிகள் போலந்தின் வ்ரோக்லாவ் திடலில் மோதின. இந்தப் போட்டியில் 4-1 என்ற கோல் கணக்கில் அபார வெற்றி பெற்றது.

இதில் முதல் பாதியில் ரியல் பெட்டிஸ் 9ஆவது நிமிஷத்தில் கோல் அடித்தது.

இரண்டாம் பாதியில் மீண்டெழுந்த செல்ஸி 65,70,83, 90+1ஆவது நிமிஷங்களில் தொடர்ச்சியாக கோல்களை அடித்தது.

இந்த வெற்றியின் மூலம் ஐரோப்பாவின் முக்கியமான 5 கோப்பைகளையும் கைப்பற்றிய முதல் அணியாக செல்ஸி எஃப்சி சாதனை படைத்துள்ளது.

1905ஆம் ஆண்டு நிறுவப்பட்ட செல்ஸி எஃப்சி கால்பந்து அணி இதற்கு முன்பாக 1971,98-இல் கப் வின்னர்ஸ் கப், 1998,2021-இல் சூப்பர் கப், 2013, 2019இல் ஐரோப்பிய லீக், 2012, 201-இல் சாம்பியன்ஸ் லீக்கையும் வென்றிருந்தது.

இதுவரை வெல்லாத கான்ஃபரன்ஸ் லீக் கோப்பையை இந்த சீசனில் வென்று ஐரோப்பாவின் முக்கியமான 5 கோப்பைகளையும் வென்ற முதல் அணியாக செல்ஸி வரலாறு படைத்துள்ளது.

ரஷியா - உக்ரைன் போரினால் கடந்த 2022இல் செல்ஸி கால்பந்து அணியை அமெரிக்காவைச் சேர்ந்த டாட் போஹ்லி வாங்கினார்.

அதிகமான ரிஸ்க் எடுக்கப்பட்டதாக பலரும் விமர்சிக்கப்பட்ட நிலையில் அவர் எடுத்த முடிவை வரலாறாக மாற்றியுள்ளார்.