சென்னை: தமிழக அரசியலில் பரபரப்பான சூழலில், திமுக சட்டமன்ற உறுப்பினர்கள் கூட்டம், கட்சியின் செயல் தலைவர் ஸ்டாலின் தலைமையில் தொடங்கியது.

அண்ணா அறிவாலயத்தில் திமுக செயல் தலைவர் ஸ்டாலின் தலைமையில் நடைபெற்று வரும் இந்த கூட்டத்தில், தினகரன் ஆதரவு எம்.எல்.ஏ.க்கள் 18 பேர் தகுதி நீக்கம் செய்யப்பட்டிருப்பது குறித்தும், அடுத்த நடவடிக்கை என்ன என்பது குறித்தும் ஆலோசிக்கப்பட வாய்ப்புள்ளது.

இனி, ஆளுநருடன் சந்திப்புக் கிடையாது என்று மு.க. ஸ்டாலின் கூறிவிட்ட நிலையில், இந்தக் கூட்டம் முக்கியத்துவம் பெற்றுள்ளது. ஆலோசனைக் கூட்டத்தில் இதுவரை 80 எம்.எல்.ஏ.க்கள் பங்கேற்றுள்ளனர்.

திமுகவின் கூட்டணி கட்சியான காங்கிரஸ் எம்எல்ஏக்கள் கூட்டம் நாளை சத்தியமூர்த்தி பவனில், தமிழக காங்கிரஸ் கட்சித் தலைவர் திருநாவுக்கரசர் தலைமையில் நாளை நடைபெற உள்ளது குறிப்பிடத்தக்கது.