திருவண்ணாமலை அருகே உள்ள விஸ்வகர்ம மடாலயத்தின் 64-ஆவது பீடாதிபதி ஸ்ரீசிவசண்முக ஞானாச்சாரிய குரு சுவாமிகள்  புதன்கிழமை முக்தி அடைந்தார்.
திருவண்ணாமலை மாவட்டம், கலசப்பாக்கம் வட்டம், காந்தப்பாளையம் கிராமத்தில் 1,418 ஆண்டுகள் பழைமையான விஸ்வகர்ம மடாலயம் உள்ளது. இதன் 64-ஆவது பீடாதியாகவும், திருநெல்வேலி ஸ்ரீமத் பரசமயகோளரிநாத ஆதீனத்தின் 38-ஆவது பீடாதிபதியுமாக இருந்தவர் ஸ்ரீசிவசண்முக ஞானாச்சாரிய குரு சுவாமிகள் (97). இவர், புதன்கிழமை காலை 11 மணிக்கு முக்தியடைந்தார். இறுதிச் சடங்குகள் வியாழக்கிழமை (டிசம்பர் 27) மாலை 3 மணிக்கு விஸ்வகர்ம மடாலயத்தில் உள்ள நந்தவனத்தில் நடைபெறுகிறது.