சென்னையில் தி.மு.க. தலைவர் ஸ்டாலினை தேசியவாத காங்கிரஸ் கட்சியின் தலைவர் சரத்பவாரின் மகளும் நாடாளுமன்ற உறுப்பினருமான சுப்ரியா சுலே சனிக்கிழமை சந்தித்து வாழ்த்து தெரிவித்தார்.
 திமுக தலைவராக ஸ்டாலின் தேர்வு செய்யப்பட்டதற்காக அவரை மரியாதை நிமித்தமாக சுப்ரியா சுலே சந்தித்தார். இந்தச் சந்திப்பின்போது மாநிலங்களவை திமுக குழு தலைவர் கனிமொழி, முன்னாள் மத்திய அமைச்சர் ஆ.ராசா, சட்டப்பேரவை உறுப்பினர் எ.வ.வேலு உள்ளிட்டோர் உடன் இருந்தனர்.