வேலூர்: வேலூர் மாவட்டம் ஆம்பூர் அடுத்த வெங்கிலி அருகே லாரி மீது கார் மோதியதில் ஒரு குழந்தை உட்பட 7 பேர் பலியாகினர்.

தேசிய நெடுஞ்சாலையில் சாலையோரம் நின்று கொண்டிருந்த கண்டெய்னர் லாரி மீது வேகமாக வந்த காரின் முன்பக்க டயர் வெடித்ததால் கார் மோதி இந்த விபத்து நேரிட்டதாக முதற்கட்ட செய்திகள் தெரிவிக்கின்றன.

காரில் வந்தவர்கள் மகாராஷ்டிர மாநிலத்தைச் சேர்ந்தவர்கள் என்றும், 7 பேர் காரில் வந்த நிலையில் 7 பேருமே மரணம் அடைந்து விட்டதாகவும் கூறப்படுகிறது.

தேசிய நெடுஞ்சாலையில் நிகழ்ந்த இந்த விபத்தில் ஒரு குழந்தை உட்பட 4 ஆண்கள், 2 பெண்கள் என 7 பேர் பலியாகினர். உடல்களை மீட்கும் பணி நடந்து வருகிறது.