தேனி மாவட்டம் கம்பத்தில் மத்திய அரசு கொண்டு வந்துள்ள வேளாண்மை சட்ட மசோதாவைத் திரும்பப் பெற வலியுறுத்தி காங்கிரஸ் கட்சி சார்பில் கையெழுத்து இயக்கத்தில் தேசிய செயலாளர் சஞ்சய் தத் கலந்து கொண்டார்.

மத்திய அரசு கொண்டு வந்த புதிய வேளாண் சட்ட மசோதாவைத் திரும்பப்பெற வலியுறுத்தி அகில இந்திய காங்கிரஸ் கட்சி சார்பாக நாடு முழுவதும் பொதுமக்களிடையே கையெழுத்து பெறும் நிகழ்வு நடைபெற்று வருகிறது.

இதன் தொடர்ச்சியாக தேனி மாவட்டம் கம்பத்தில் செவ்வாய்க்கிழமை மாலை சட்டமன்ற தேர்தலைச் சந்திக்கும் முகமாக அகில இந்திய காங்கிரஸ் கட்சி சார்பான ஆலோசனைக் கூட்டம் கம்பம் பிரதான சாலையில் உள்ள தனியார் கட்டடத்தில் நடைபெற்றது.

கூட்டத்திற்கு முன்னதாக கையெழுத்து இயக்கம் நடைபெற்றது மாவட்ட தலைவர் எம்.பி. முருகேசன் தலைமை தாங்கினார், தேசிய செயலாளர் சஞ்சய் தத் பொதுமக்களிடம் வேளாண் சட்ட மசோதாவைத் திரும்பப் பெற வலியுறுத்தி கையெழுத்துக்களைப் பெற்றார்.