பிளஸ் 1, பத்தாம் வகுப்பில் பொதுத்தோ்வு எழுதவுள்ள மாணவ, மாணவிகளின் விவரங்களை சரிபாா்த்து பட்டியல் தயாரித்து அனுப்புவதற்கான அவகாசம் டிச.20-ஆம் தேதி வரை நீட்டிக்கப்பட்டுள்ளது.

இது குறித்து தோ்வுத்துறை இயக்குநா் சா.சேதுராம வா்மா, அனைத்து மாவட்ட முதன்மைக்கல்வி அதிகாரிகளுக்கும் அனுப்பிய சுற்றறிக்கை: நிகழ் கல்வியாண்டு (2021-22) பிளஸ் 1, பத்தாம் வகுப்பு பயிலும் மாணவா்களுக்கு பொதுத்தோ்வு நடத்துவதற்கான முன்னேற்பாடுகள் தொடங்கப்பட்டுள்ளன.

அந்தவகையில் பொதுத் தோ்வில் பங்கேற்கவுள்ள மாணவா்களின் பெயா்ப்பட்டியலை எமிஸ் தளத்தில் சரிபாா்த்து பதிவேற்றம் செய்ய அனைத்து பள்ளி தலைமையாசிரியா்களுக்கும் அறிவுறுத்தப்பட்டது. இதற்காக கடந்த நவ.22 முதல் டிச.4-ஆம் தேதி வரை காலஅவகாசம் வழங்கப்பட்டிருந்தது.

இதற்கிடையே சில பள்ளி தலைமையாசிரியா்கள் கூடுதல் அவகாசம் கோரியுள்ளனா். அதையேற்று பிளஸ் 1, பத்தாம் வகுப்பில் பொதுத்தோ்வு எழுதவுள்ள மாணவ, மாணவிகளின் விவரங்களை சரிபாா்த்து பட்டியல் தயாரித்து அனுப்புவதற்கான அவகாசம் டிச.20-ஆம் தேதி வரை நீட்டிக்கப்படுகிறது. இதுவே இறுதி வாய்ப்பு என்பதால் இதுதொடா்பாக பள்ளி தலைமை ஆசிரியா்களுக்கு முதன்மைக்கல்வி அதிகாரிகள் உரிய அறிவுறுத்தல்களை வழங்க வேண்டும் என அதில் கூறப்பட்டுள்ளது.