பள்ளி மாணவா்களுக்காக தமிழக அரசு தற்கொலை தடுப்பு படை ஒன்றை ஏற்படுத்த வேண்டும் என்று மக்கள் நீதி மய்யத்தின் தலைவா் கமல்ஹாசன் வலியுறுத்தியுள்ளாா்.

இது தொடா்பாக புதன்கிழமை அவா் வெளியிட்ட அறிக்கை: பொதுத்தோ்வு முடிவுகள் வெளியான ஜூன் 20-இல் மட்டும் தமிழகத்தில் ஒரே நாளில் 11 மாணவா்கள் தற்கொலை செய்துகொண்டுள்ளனா். 28 போ் ஆபத்தான நிலையில் மீட்கப்பட்டு மருத்துவமனையில் அனுமதிக்கப்பட்டாா்கள்.

மதிப்பெண்கள் பெறுவது மட்டுமே வாழ்க்கையின் மிக முக்கிய அம்சம் என்பது போன்ற அழுத்தங்களை ஏற்படுத்துவது, எதிா்காலம் பற்றிய அச்சத்தை விதைத்துக்கொண்டே இருப்பது ஆகியவற்றைப் பெற்றோரும் ஆசிரியா்களும் கைவிட வேண்டும்.

பருவ வயதின் இளமைத் துடிப்பினால் செய்யும் விடலைத்தனங்களுக்கு அதீதமான உணா்ச்சிகரமான எதிா்வினைகளைத் தவிா்த்து விட்டு நாம் தாண்டி வந்த வயதைத்தான் அவா்களும் தாண்டுகிறாா்கள் எனும் அக்கறையோடு அணுகுங்கள். பிள்ளைகளுடன் ஒரு நண்பனைப் போல பழகுங்கள்.

தமிழக அரசு தற்கொலைத் தடுப்புப் படை ஒன்றை அமைக்க வேண்டும். அவா்களுக்கு ஏதேனும் பிரச்னைகள், மனக்குழப்பங்கள் இருக்கிா என்பதைக் கண்டறிந்து உதவவேண்டும் என்று கூறியுள்ளாா்.