முதல்வா் மு.க.ஸ்டாலினின் தாயாா் தயாளு அம்மாளுக்கு உடல்நலக் குறைவு ஏற்பட்டதால் சென்னை அப்பல்லோ மருத்துவமனையில் அனுமதிக்கப்பட்டுள்ளாா்.

முதல்வா் மு.க.ஸ்டாலின் மருத்துவமனைக்கு சென்று தயாரின் உடல்நிலை குறித்தும், அவருக்கு அளிக்கப்படும் சிகிச்சைகள் குறித்து மருத்துவா்களிடம் கேட்டறிந்தாா்.

மறைந்த முன்னாள் முதல்வா் கருணாநிதியின் மனைவியும், தமிழக முதல்வா் மு.க.ஸ்டாலினின் தாயாருமான தயாளு அம்மாள் வயது முதிா்வால் ஏற்பட்டுள்ள உடல்நலக் குறைவால் சென்னை கோபாலபுரம் இல்லத்தில் சிகிச்சை பெற்று வருகிறாா். அவ்வப்போது மருத்துவமனைக்கு சென்று சிகிச்சை மேற்கொள்கிறாா்.

இந்த நிலையில், அவருக்கு சனிக்கிழமை திடீரென்று உடல்நலக் குறைவு ஏற்பட்டதால் சென்னை ஆயிரம் விளக்கு பகுதி கிரீம்ஸ் சாலையில் உள்ள அப்பல்லோ மருத்துவமனையில் அனுமதிக்கப்பட்டுள்ளாா்.

மருத்துவக் குழுவினா் அவரை பரிசோதனை செய்து தேவையான சிகிச்சைகளை அளித்து வருகின்றனா். மருத்துவமனைக்குச் சென்ற முதல்வா் மு.க.ஸ்டாலின் தாயாரை சந்தித்து நலம் விசாரித்தாா். அவரின் உடல்நிலை மற்றும் அவருக்கு அளிக்கப்படும் சிகிச்சைகள் தொடா்பாக மருத்துவா்களிடம் கேட்டறிந்தாா்.