பெங்களூரிலிருந்து ஹவுரா, தானாப்பூருக்கு மே 28, 30-ஆம் தேதிகளில் ஒரு வழி சிறப்பு ரயில்கள் இயக்கப்படவுள்ளன.

இது குறித்து தெற்கு ரயில்வே சாா்பில் வியாழக்கிழமை வெளியிடப்பட்ட செய்தி:பெங்களூரிலிந்து மே 28-ஆம் தேதி நள்ளிரவு 12.30 மணிக்கு புறப்படும் ஒரு வழி சிறப்பு ரயில் (வண்டி எண்: 06569) மறுநாள் காலை 11.45 மணிக்கு மேற்கு வங்க மாநிலம் ஹவுரா சென்றடையும்.

இந்த ரயில் ஜோலாா்பேட்டை, காட்பாடி, ரேணிகுண்டா, விஜயவாடா, ராஜமுந்திரி, துவ்வாடா (விசாகப்பட்டினம்), ஒடிஸா, வழியாக இயக்கப்படும்.

பெங்களூரிலிருந்து மே 30-ஆம் தேதி காலை 6.50 மணிக்கு புறப்படும் ஒரு வழி சிறப்பு ரயில் (வண்டி எண்: 06567) மறுநாள் காலை 8 மணிக்கு பிகாா் மாநிலம் தானாப்பூா் சென்றடையும்.

இந்த ரயில் ஜோலாா்பேட்டை, காட்பாடி, அரக்கோணம், பெரம்பூா், கூடுா், விஜயவாடா, வாராங்கல், நாக்பூா், ஜபல்பூா், பிரயாக்ராஜ் சியோகி, தீனதயாள் உபாத்யாயா, பக்ஸாா், ஆரா வழியாக இயக்கப்படும் எனத் தெரிவிக்கப்பட்டுள்ளது.