கா்நாடக மாநிலம் மைசூரிலிருந்து திருநெல்வேலி, ராமநாதபுரம், காரைக்குடி செல்லும் வாராந்திர சிறப்பு ரயில்கள் திங்கள்கிழமை (அக்.27) முதல் ரத்து செய்யப்படவுள்ளன.

இதுகுறித்து தெற்கு ரயில்வே சனிக்கிழமை விடுத்த செய்திக்குறிப்பு: மைசூரு - திருநெல்வேலி இடையேயான வாராந்திர சிறப்பு ரயில் (எண்:06239/06240) திங்கள்கிழமை (அக்.27) முதல் நவ.25 வரை ரத்து செய்யப்படவுள்ளது.

அதேபோல், மைசூரு - ராமநாதபுரம் இடையே இயங்கும் வாராந்திர சிறப்பு ரயில் (எண் 06237/06238) அக்.27,28 தேதிகளில் ரத்து செய்யப்படும். மேலும், மைசூரு - காரைக்குடி இடையே வாரம் இருமுறை இயங்கும் சிறப்பு ரயில் (எண்:06243/ 06244) வருகிற அக்.30 முதல் நவ.30 வரை ரத்து செய்யப்படும் எனத் தெரிவிக்கப்பட்டுள்ளது.