மாா்ச் 16-இல் திமுக மாவட்டச் செயலா்கள் கூட்டம்

திமுக மாவட்டச் செயலா்கள் கூட்டம், சென்னையில் வரும் 16-ஆம் தேதி நடைபெறும் என்று அக்கட்சியின் பொதுச் செயலா் துரைமுருகன் அறிவித்துள்ளாா்.

முதல்வரும், திமுக தலைவருமான மு.க.ஸ்டாலின் தலைமையில் நடைபெறும் இக்கூட்டத்தில், சட்டப் பேரவைத் தோ்தல் தொடா்பாக விவாதிக்கப்படவுள்ளது.

தோ்தல் முன்னேற்பாடுகள், பிரசார வியூகங்கள், வாக்கு சேகரிப்பு, கூட்டணி கட்சிகளுக்கான ஒத்துழைப்பு என பல்வேறு விஷயங்கள் குறித்து ஆலோசிக்கப்படவுள்ளது.

சென்னை, அண்ணா அறிவாலயத்தில் காலை 10.30 மணிக்கு கூட்டம் நடைபெறும் என்றும் மாவட்டச் செயலா்கள், நாடாளுமன்ற உறுப்பினா்கள் தவறாமல் கலந்துகொள்ள வேண்டும் என்றும் துரைமுருகன் தெரிவித்துள்ளாா்.

தோ்தல் தேதி அறிவிப்பதற்கு முன்பாக கூட்டத்தை நடத்தத் திட்டமிடப்பட்டுள்ளதாக திமுக வட்டாரங்கள் தெரிவித்துள்ளன.