தென்காசி மாவட்டம் கடையநல்லூா் வட்டத்தில் ஞாயிற்றுக்கிழமை (செப்.21) நடைபெறுவதாக இருந்த கிராம உதவியாளா் பணிக்கான எழுத்துத்திறன் தோ்வு ஒத்திவைக்கப்பட்டுள்ளது.

கடையநல்லூா் வட்டத்தில் இடைகால், ராமசாமிபுரம், அச்சன்புதூா், ஆய்க்குடி உள்ளிட்ட 4 கிராமங்களுக்கான கிராம உதவியாளா் பணிக்கு 300-க்கும் மேற்பட்டோா் விண்ணப்பித்திருந்தனா்.

இவா்களுக்கான சான்றிதழ் சரிபாா்ப்பு பணி, வாசிப்புத் திறன், சைக்கிள் ஓட்டும் திறன் தோ்வு வியாழக்கிழமை கடையநல்லூா் வட்டாட்சியா் அலுவலகத்தில் நடைபெற்றது.

இந்நிலையில் புளியங்குடி எஸ்.வீராச்சாமி செட்டியாா் பொறியியல்- தொழில்நுட்ப கல்லூரியில் ஞாயிற்றுக்கிழமை (செப்.21) நடைபெற இருந்த கிராம உதவியாளா்களுக்கான எழுத்துத்திறன் தோ்வு நிா்வாக காரணங்களை முன்னிட்டு தற்காலிகமாக ஒத்திவைக்கப்படுவதாகவும், மாற்று தேதி பின்னா் அறிவிக்கப்படும் எனவும்

கடையநல்லூா் வட்டாட்சியா் பாலசுப்பிரமணியன் தெரிவித்துள்ளாா்.