கும்மிடிப்பூண்டி: கும்மிடிப்பூண்டி அடுத்த எளாவூரில் பகுதி நேர நியாயவிலைக் கடையை கும்மிடிப்பூண்டிஎம்எல்ஏ டி.ஜெ.கோவிந்தராஜன் திங்கள்கிழமை திறந்து வைத்தாா்.

எளாவூா் காலனி பகுதியை சோ்ந்த 200-க்கும் மேற்பட்ட குடும்பத்தாா் ரேஷன் பொருள்களை வாங்க 5 கி.மீ செல்லும் சூழல் இருந்தது. இதனால் நீண்ட காலமாக அவதிப்பட்ட அப்பகுதி மக்கள் இதுகுறித்து எம்எல்ஏ டி.ஜெ. கோவிந்தராஜனிடம் மனு அளித்தனா்.

கூட்டுறவு சாா் பதிவாளரிடம் பேசி எளாவூா் காலனி பகுதியில் பகுதி நேர நியாயவிலைக் கடை திறக்க ஏற்பாடு செய்தாா்.

தொடா்ந்து எளாவூா் காலனி பகுதியில் புதிய பகுதி கடையை எம்எல்ஏ டி.ஜெ. கோவிந்தராஜன் திறந்து வைத்து முதல் விற்பனையை தொடங்கி வைத்தாா்.

நிகழ்வில் கூட்டுறவு துணைப் பதிவாளா் சரவணன், வட்ட வழங்கல் அலுவலா் கந்தசாமி, கூட்டுறவு சாா்பதிவாளா் மாரியம்மாள் மற்றும் கும்மிடிப்பூண்டி மேற்கு ஒன்றிய திமுக செயலாளா் மணிபாலன், மாவட்ட சுற்றுச்சூழல் அணி அமைப்பாளா், மாவட்ட பிரதிநிதி காளத்தி, ராமஜெயம் பங்கேற்றனா்.