ரெட்மி நோட் 10, நோட் 10 ப்ரோ பிப்ரவரியில் அறிமுகம்?

ஸியோமி தயாரிப்புகளில் அதிகம் எதிர்பார்க்கப்படும் ஸ்மார்ட் போன்களான ரெட்மி நோட் 10 மற்றும் நோட் 10 ப்ரோ வருகிற பிப்ரவரி 13ம் தேதி சந்தையில் அறிமுகமாக இருப்பதாக தகவல் கசிந்துள்ளது.

2020ம் ஆண்டின் முதல் காலாண்டில் ரெட்மி நோட் 10 வெளியாகும் என்று ஸியோமி நிறுவனத்தின் தலைமை நிர்வாக அதிகாரி லீ முன்னதாக தெரிவித்திருந்தார். ஆனால், ஸியோமி தயாரிப்புகளுக்கு வாடிக்கையாளர்களிடையே இருக்கும் எதிர்பார்ப்பை கருத்தில்கொண்டு, பிப்ரவரி 13ம் தேதி ரெட்மி நோட் 10 மற்றும் நோட் 10 ப்ரோ வெளியாக இருப்பதாக தகவல் கசிந்துள்ளது.

ரெட்மி நோட் 10 அம்சங்கள்:

6.5 அங்குலம் அல்லது அதற்கு மேற்பட்ட அளவிலான ஓ.எல்.இ.டி டிஸ்ப்ளேவைக் கொண்டிருக்கும். ஸ்னாப்டிராகன் 865 பிராசஸர்,  20 எம்.பி + இரண்டாம் நிலை 12 எம்.பி + மூன்றாம் நிலை 5 எம்.பி கேமரா கொண்டுள்ளது.

டிரிபிள் ஃபாஸ்ட் சார்ஜிங் தொழில்நுட்பம் மற்றும் 40W ஃபாஸ்ட் வயர்டு சார்ஜிங், அத்துடன் 30W வயர்லெஸ் ஃபாஸ்ட் சார்ஜிங் மற்றும் 10W ரிவர்ஸ் வயர்லெஸ் சார்ஜிங் ஆகியவற்றுக்கான ஆதரவுடன் 4,500mAh பேட்டரி உள்ளது. 

8 ஜிபி ரேம் + 128 ஜிபி, 8 ஜிபி ரேம் + 256 ஜிபி மற்றும் 12 ஜிபி ரேம் + 256 ஜிபி ஆகிய மூன்று ஸ்டோரேஜ் வசதிகளுடன் வரவுள்ளது. விலை தோராயமாக ரூ. 32,700.

ரெட்மி நோட் 10 ப்ரோ அம்சங்கள்:

6.5 இன்ச் அளவில் 90 ஹெர்ட்ஸ் ஓ.எல்.இ.டி டிஸ்ப்ளே, ஸ்னாப்டிராகன் 865 SoC, 4,500mAh பேட்டரி, 66W ஃபாஸ்ட் சார்ஜிங் மற்றும் 40W வயர்லெஸ் சார்ஜிங்கை ஆதரிக்கும்.

ரெட்மி போன்களில் இதுவரை இல்லாத அளவுக்கு 108 மெகாபிக்சல் முதன்மை கேமரா, 48 மெகாபிக்சல் இரண்டாம் நிலை கேமரா மற்றும் 12 மெகாபிக்சல் மூன்றாம் நிலை கேமராவுடன் குவாட் ரியர் கேமரா அமைப்பைக் கொண்டுள்ளது. 

விலையைப் பொறுத்தவரை, ரெட்மி 10 ப்ரோ( 12 ஜிபி ரேம் + 128 ஜிபி) குறைந்தபட்சம் ரூ38,900 எனவும், 12 ஜிபி ரேம் + 256 ஜிபி ஸ்டோரேஜ் மாடல் ரூ.42,000, 12 ஜிபி ரேம் + 512 ஜிபி ஸ்டோரேஜ் மாடல் ரூ.46,000 என்ற அளவில் நிர்ணயிக்கப்பட்டுள்ளதாக தகவல் வெளியாகியுள்ளது.