மனிதன் பறக்க உதவும் வகையில் காஸ்-டர்பைன்ஸ்-பவர்ட் ஜெட் ஆடைகளை வடிவமைக்கும் பணியில் தீவிரமாக ஈடுபட்டுள்ளார் மார்வெல் மேன் என்று அறியப்படும் சாம் ரோஜெர்ஸ்.

இதுபோன்ற தொரு ஆடையை அணிந்து கொண்டு நதியின் மீது பறந்து ஒரு பரிசோதனையையும் அவர் நடத்திக் காட்டியுள்ளார்.

இது வெறும் பொழுதுபோக்குக்காக செய்யப்படும் ஆராய்ச்சியல்ல. வருங்காலத்தில் மனிதர்கள் ஓரிடத்தில் இருந்து மற்றொரு இடத்துக்குச் செல்ல ஒரு மாற்று போக்குவரத்து சாதனமாக இதைப் பயன்படுத்தும் வகையில் உருவாக்க சாம் ரோஜெர்ஸ் திட்டமிட்டு அதற்கான பணிகளை முடுக்கி விட்டுள்ளார்.

உங்கள் உடலைச் சுற்றி 5 டர்போஜெட்கள் இயங்குவது ஒரு விநோத அனுபவத்தைக் கொடுக்கும் என்று கூறுகிறார் பிரிட்டனைச் சேர்ந்த பல்கலை மாணவரான சாம்.

தற்போது பல லட்சம் ரூபாய் விலை நிர்ணயிக்கப்பட்டிருக்கும் இந்த ஆடை, அதிக அளவில் பயன்பாட்டுக்கு வரும் போது விலைக் குறைவது நிச்சயம் என்கிறார் அவர்.