மார்ச் 24ல் ரெட்மி  நோட் 9 ப்ரோவின் அடுத்த விற்பனை

ஸியோமி தயாரிப்புகளில் ரெட்மி நோட் 8 யைத் தொடர்ந்து ரெட்மி நோட் 9 ப்ரோ மற்றும் ரெட்மி நோட் 9 ப்ரோ மேக்ஸ் ஆகியவை மார்ச் 12 ஆம் தேதி அறிமுகமாகின. 

இதையடுத்து, ரெட்மி  நோட் 9 ப்ரோ ஸ்மார்ட்போன்கள் எம்.ஐ டாட் காம் தளத்திலும், அமேசான் தளத்திலும் இன்று பிற்பகல் 12 மணிக்கு விற்பனைக்கு வந்தன. விற்பனை ஆரம்பித்த சில நிமிடங்களிலேயே விற்றுத் தீர்ந்தது. இதன் தொடர்ச்சியாக அடுத்த விற்பனை மார்ச் 24ம் தேதி பிற்பகல் 12 மணிக்கு விற்பனைக்கு வருகிறது. ரெட்மி நோட் 9 ப்ரோ மேக்ஸ்-ம் முதல்முறையாக  மார்ச் 26ம் தேதியும் ஆன்லைனில் விற்பனைக்கு வருகிறது. 

இரண்டு புதிய ஸ்மார்ட்போன்களும் குவாட் ரியர் கேமராக்களுடன் வருகின்றன. இதில்  ரெட்மி 9 ப்ரோ மேக்ஸ் 6 ஜிபி ரேம் + 64 ஜிபி, 6 ஜிபி ரேம் + 128 ஜிபி, 8 ஜிபி ரேம் + 128 ஜிபி ஆகிய வேரியண்டுகளிலும், ரெட்மி நோட் 9 புரோ  4 ஜிபி ரேம் + 64 ஜிபி,  6 ஜிபி ரேம் + 128 ஜிபி வேரியண்டுகளிலும் அறிமுகமாகியுள்ளது.

இரண்டுமே நீல (Aurora Blue), வெள்ளை(Glacier White) மற்றும் கருப்பு (Interstellar Black) நிறங்களில் வருகிறது.

ரெட்மி நோட் 9 புரோ மேக்ஸ் விலை

6 ஜிபி ரேம் + 64 ஜிபி- ரூ.14,999

6 ஜிபி ரேம் + 128 ஜிபி- ரூ.16,999

8 ஜிபி ரேம் + 128 ஜிபி - ரூ.18,999-

ரெட்மி நோட் 9 புரோ விலை

4 ஜிபி ரேம் + 64 ஜிபி - ரூ.12,999

6 ஜிபி ரேம் + 128 ஜிபி-  ரூ.15,999