இந்த நிதியாண்டின் 2-ஆவது காலாண்டில் டாடா மோட்டாா்ஸின் உலகளாவிய விற்பனை 33 சதவீதம் அதிகரித்துள்ளது.

இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது: கடந்த செப்டம்பா் மாதத்துடன் நிறைவடைந்த நடப்பு நிதியாண்டின் 2-ஆவது காலாண்டில் ஜாகுவாா் லேண்ட் ரோவா் (ஜேஎல்ஆா்) வாகனங்கள் உள்பட நிறுவனத்தின் உலகளாவிய விற்பனை 3,35,976-ஆக உள்ளது. கடந்த ஆண்டு இதே காலகட்டத்தில் நிறுவனத்தின் சா்வதேச விற்பனை 2,51,689-ஆக இருந்தது. அதனுடன் ஒப்பிடுகையில் இந்த முறை விற்பனை 33 சதவீதம் அதிகரித்துள்ளது.

நிறுவனத்தின் வா்த்தக வாகனங்கள் மற்றும் டாடா டேவூ வாகனங்களின் உலகளாவிய விற்பனை மதிப்பீட்டு மாதங்களில் 1,03,226-ஆக உள்ளது. கடந்த ஆண்டின் இதே காலகட்டத்திய விற்பனையான 89,055-உடன் ஒப்பிடுகையில் இது 16 சதவீதம் அதிகமாகும்.

இந்த காலாண்டில் நிறுவனக் காா்களின் உலகளாவிய விற்பனை 2,32,750-ஆக உள்ளது. முந்தைய ஆண்டின் இதே காலாண்டில் அந்த எண்ணிக்கை 1,62,634-ஆக இருந்தது.

மதிப்பீட்டு மாதங்களில் ஜேஎல்ஆா் நிறுவனத்தின் உலகளாவிய விற்பனை 89,899-ஆக உள்ளது. இதில் ஜாகுவாா் வாகனங்களின் விற்பனை 16,631-ஆகவும் லேண்ட் ரோவா் வாகனங்களின் விற்பனை 73,268-ஆகவும் உள்ளது.

கடந்த நிதியாண்டின் இதே காலகட்டத்தில் ஜேஎல்ஆா் 78,251 வாகனங்களை விற்பனை செய்திருந்தது என்ற அந்த செய்திக்குறிப்பில் தெரிவிக்கப்பட்டுள்ளது.