கடந்த ஏப்ரல் மாதத்தில் ஹுண்டாய் மோட்டாா் இந்தியா நிறுவனத்தின் மொத்த விற்பனை 58,201-ஆக அதிகரித்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஏப்ரல் மாதத்தில் நிறுவனம் 58,201 காா்களை விற்பனையாளா்களுக்கு அனுப்பியது. முந்தைய 2022-ஆம் ஆண்டின் இதே மாதத்தில் இந்த எண்ணிக்கை 56,201-ஆக இருந்தது. அதனுடன் ஒப்பிடுகையில் தற்போது நிறுவனத்தின் மொத்த விற்பனை 3.5 சதவீதம் அதிகரித்துள்ளது.

மதிப்பீட்டு மாதத்தில் நிறுவனத்தின் உள்நாட்டு மொத்த விற்பனை 13 சதவீதம் அதிகரித்து 49,701-ஆக உள்ளது. 2022 ஏப்ரலில் இந்த எண்ணிக்கை 44,001-ஆக இருந்தது.

எனினும், அந்த மாதத்தில் நிறுவனத்தின் ஏற்றுமதி 12,200-லிருந்து 8,500-ஆகக் குறைந்துள்ளது என்று அந்த அறிக்கையில் தெரிவிக்கப்பட்டுள்ளது.