சிதம்பரம், மார்ச் 19: 2006-ம் ஆண்டு சட்டப்பேரவைத் தேர்தலில் கிடைத்த வாய்ப்பை பயன்படுத்தி தொகுதிகளில் பல்வேறு பணிகளை மேற்கொண்டுள்ளேன் என காட்டுமன்னார்கோவில் தொகுதி எம்.எல்.ஏ.வும், விடுதலைச் சிறுத்தைகள் கட்சி வேட்பாளராக

 அறிவிக்கப்பட்டுள்ள துரை.ரவிக்குமார் தெரிவித்துள்ளார்.

 ÷இது குறித்து அவர் தெரிவித்தது: 2007-ம் ஆண்டு நெல்லையில் நடைபெற்ற விடுதலைச்சிறுத்தைகள் கட்சி மண்ணுரிமை மாநாட்டில் முதல்வர் கருணாநிதி முன்னிலையில் கூரைவீடுகளை அகற்றி கான்கிரீட் வீடுகளாக மாற்ற வேண்டும் என கோரிக்கை வைத்தேன். ÷சட்டமன்றத்திலும் குரல் கொடுத்ததன் விளைவாக இலவச கான்கிரீட் வீடு கட்டும் திட்டம் கொண்டு வரப்பட்டது.

 ÷இது விடுதலைச் சிறுத்தைகள் கட்சியின் அரசியல் முயற்சியால் விளைந்த பயனாகும். இத்தொகுதி மக்களின் 50 ஆண்டுகளுக்கு மேலான கோரிக்கையான கொள்ளிடம் ஆற்றின் குறுக்கே முட்டம்- மணல்மேடு பாலத்தை அமைக்க வேண்டும் என வலியுறுத்தி அந்த பாலம் அமைக்கும் பணி நடைபெற்று வருகிறது.

 ÷அதுமட்டுமல்லாமல் நாஞ்சலூர், கடவாச்சேரி ஆகிய பகுதிகளில் பாலம் அமைக்கப்பட்டுள்ளது. தொகுதியில் மிக மோசமாக இருந்த சிதம்பரம், காட்டுமன்னார்கோவில் சாலை மாநில நெடுஞ்சாலைத் துறையினரால் மேம்படுத்தப்பட்டுள்ளது.

 ÷அதிக மதிப்பெண் பெற்ற மாணவர்களுக்கு எனது சொந்த செலவில் கணினி வாங்கிதந்துள்ளேன். தொடர்ந்து வெள்ளத்தால் பாதிக்கப்பட்ட தொகுதி மக்களுக்கு நிரந்தர நிவாரணமாக கொள்ளிடக் கரை ரூ.108 கோடி செலவில் உயர்த்தப்பட்டு பலப்படுத்தும் பணி நடைபெற்று வருகிறது.

 ÷மேலும் வீராணம் ஏரியை ஆழப்படுத்தி தூர்வாரும் பணி மேற்கொள்ள பெரிய திட்டங்கள் செயல்படுத்தப்பட்டுள்ளன. வெள்ளியங்கால் ஓடை, மணவாய்க்கால் ஓடை உள்ளிட்ட ஓடைகளை அகலப்படுத்தி, கரைகளை பலப்படுத்தும் திட்டத்தை கொண்டு வர நடவடிக்கை மேற்கொண்டேன்.

 ÷தொகுதி மேம்பாட்டு நிதியில் வெள்ளத்தால் பாதிக்கப்பட்ட திருநாரையூர், நந்திமங்கலம் ஆகிய இடங்களில் தலா ரூ.26 லட்சம் செலவில் வெள்ளப் பாதுகாப்பு மையங்களை உருவாக்கியுள்ளேன்.

 ÷ரெட்டியூர், நாஞ்சலூர், கடவாச்சேரி உள்ளிட்ட இடங்களில் சமுதாய நலக்கூட்டஙளை அமைத்துள்ளேன். நந்தனார் ஆண்கள் மேல்நிலைப் பள்ளியில் ரூ.10 லட்சம் செலவில் அறிவியல் ஆய்வுக் கூடம் அமைத்துள்ளேன். ரூ.5 லட்சம் செலவில் மாணவர்கள் அமருவதற்கு வசதியாக நாற்காலி, பெஞ்சுகள் வழங்கியுள்ளேன்.

 ÷தொகுதி பக்கமே வரவில்லை எனக் கூறுவது முற்றிலும் தவறானதாகும். மேற்கண்ட சாதனைகள் காட்டுமன்னார்கோவில் தொகுதி மக்கள் எமது கட்சிக்கு அளித்த அங்கீகாரத்தினாலும், ஊக்கத்தினாலும் நிகழ்த்தப்பட்டவை என துரை.ரவிக்குமார் எம்.எல்.ஏ. தெரிவித்தார்.