பகுதி - 261

</p><p align="justify"><iframe src="https://w.soundcloud.com/player/?url=https%3A//api.soundcloud.com/tracks/266947699&auto_play=false&hide_related=false&show_comments=true&show_user=true&show_reposts=false&visual=true" style="width: 373px; height: 263px" /></p><p align="justify"><strong>அந்தோ மனமே நம தாக்கையை நம்பாதெ</strong> ... மனமே, அந்தோ!  நிலையற்ற இந்த உடலை நிலையானது என்றெண்ணிவிடாதே; இது,</p><p align="justify"><strong>இதாகித சூத்திரம்</strong> ... இன்பத்தையும் துன்பத்தையும் கலந்து செய்த யந்திரம்;</p><p align="justify"><strong>அம்போருகன் ஆடிய பூட்டிது</strong> ... இந்த யந்திரத்தைப் பூட்டியவன் பிரமன்;</p><p align="justify"><strong>இனிமேல்நாம் அஞ்சாதமையா</strong> ... (இதுவரை ஆனது இருக்கட்டும்.)  இதற்குமேல் நாம் ‘இந்த உடல் அழியக்கூடியதே’ என்று அச்சப்படாமல் இருக்க முடியாது;</p><p align="justify"><strong>கிரி யாக்கையை பஞ்சாடிய வேலவனார்க்கு</strong> ... கிரெளஞ்ச மலையின் உடலைத் தூளடித்துப் பஞ்சாகப் பறக்கச் செய்த வேலவனுக்கு—</p><p align="justify"><strong>இயல் அங்கு ஆகுவம் வா</strong> ... ஒழியாத அன்பை உடையவர்களாக ஆகுவோம் வா.</p><p align="justify"><strong>இனிது ஆக்கையை ஒழியாமல் வந்தோம்</strong> ... எதையெதையோ ‘இனிது’ என்று கருதி இந்த உடலை வீணாக அழித்துவிடாமல் அவனிடத்தில் வந்திருக்கிறோம்;</p><p align="justify"><strong>இதுவேகதி</strong> <strong>ஆட்சியும்</strong>... இதுதான் நமக்கு நற்கதி; இதுதான் நடைமுறை—ஆன்றோர் சொன்னவகை;</p><p align="justify"><strong>இந்தா மயில் வாகனர் சீட்டிது</strong> ... மயில் வாகனன் நமக்குக் கொடுத்துள்ள உறுதிச் சீட்டு இதோ இருக்கிறது, இந்தா.. எடுத்துக் கொள்.</p><p align="justify"><strong>வந்தாளுவம் நாமென வீக்கிய சிவநீறும்</strong> ... ‘நாம் வந்து உம்மை ஆட்கொள்வோம்’ என்று அவன் கட்டிக் கொடுத்த திருநீறும் இதோ இருக்கிறது.</p><p align="justify"><strong>வந்தேவெகுவா நமையாட்கொள் உவந்தார்</strong> ... நம்மை வந்து ஆட்கொள்ள அவன் வெகுவாக உவந்திருக்கிறான்.</p><p align="justify"><strong>மதமேது இனி மேற்கொள</strong> ... இதைக்காட்டிலும் கடைப்பிடிக்க வேறு நெறியென்று எது இருக்கிறது?</p><p align="justify"><strong>மைந்தா குமராவெனும் ஆர்ப்பு உய மறவாதே</strong> ... பாலனே, குமாரனே என்ற பேரோசையோடு துதிப்பதை மறக்காதே.  நீ உய்ய இது தேவை.</p><p align="justify"><strong>திந்தோதிமி தீதத மாத்துடி</strong> ... பெரிய உடுக்கை திந்தோதிமி தீதத என்றும், <strong /></p><p align="justify"><strong>தந்தாதன னாதன தாத்தன</strong> ... தந்தாதன னாதன தாத்தன என்றும் ஒலி எழுப்ப;<strong /></p><p align="justify"><strong>செம்பூரிகை பேரிகை யார்த்தெழ</strong> <strong>மறையோத</strong> ... சிறந்த ஊதுகுழலும், முரசும் ஒலியெழுப்ப, வேதகோஷம் எழும்ப;</p><p align="justify"><strong>செங்காடெனவே வரு மூர்க்கரை</strong> ... போரில் பெருகிய ரத்தத்தால் சிவந்த காட்டைப் போல வருகின்ற அரக்கர்களை,</p><p align="justify"><strong>சங்கார சிகாமணி வேற்கொடு</strong> ... சம்ஹரிப்பதில் முதன்மை பெற்ற வேலைக் கொண்டு,</p><p align="justify"><strong>செண்டாடி மகாமயில் மேற்கொளு முருகோனே</strong> ... அவர்களை நிலைகுலையச் செய்து, பெரிய மயில் வாகனத்தில் ஏறி அமர்கின்ற முருகனே!</p><p align="justify"><strong>இந்தோடிதழ் நாக மகாக்கடல்</strong> ... பிறைச் சந்திரனையும், கொன்றை மலரையும், நாகத்தையும், பெருங்கடலைப் போன்ற கங்கையையும்,</p><p align="justify"><strong>கங்காள மினார்சடை சூட்டிய</strong> ... எலும்புக் கூட்டையும் ஒளி நிறைந்த சடையில் சூட்டிக்கொண்டுள்ள,</p><p align="justify"><strong>என்தாதை சதாசிவ கோத்திரன் அருள்பாலா</strong> ... என் தந்தையும்; சதாசிவ வர்க்கத்துக்குத் தலைவனுமான சிவபெருமான் அருளிய குமாரனே!</p><p align="justify"><strong>எண்கூடருளால் நெளவி நோக்கியை</strong> ... மான்போன்ற விழியை உடைய வள்ளியை அளவற்ற திருவருளால்,</p><p align="justify"><strong>நன்பூமண மேவி</strong> ... நலம் நிறைந்த எழிலோடு திருமணம் செய்துகொண்டவனும்;</p><p align="justify"><strong>சிராப்பளி யென்பார்</strong> ... திருசிராப்பள்ளி என்று இந்தத் திருத்தலத்தின் பெயரை மட்டும் உச்சரித்தாலே அவர்களுடைய,</p><p align="justify"><strong>மனமேதினி நோக்கிய பெருமாளே.</strong> ... மனம் என்ற பூமியில் எழுந்தருள்பவனுமான பெருமாளே!</p><p align="justify"><strong><em>சுருக்க உரை</em></strong></p><p align="justify"><em>திந்தோதிமி தீதத என்று பெரிய உடுக்கையும்; தந்தாதன னாதன தாத்தன என்று ஊதுகுழலும் முரசும் பேரொலியை எழுப்ப, வேதங்கள் முழங்க; போரில் ரத்தம் பெருகுவதால் சிவந்த காடுகளைப் போல வரும் அரக்கர்களைக் சம்ஹரித்தவனே! முதன்மை வாய்ந்த வேலாயுதத்தால் அவர்களை நிலைகுலையச் செய்தவனே! பெருமை மிக்க மயில்மீது ஏறிவரும் முருகவேளே!  பிறைச்சந்திரன், கொன்றைப் பூ, பாம்பு, கடலை ஒத்த கங்கை, எலும்புக்கூடு ஆகிய எல்லாவற்றையும் தன் ஒளிமிக்க சடாமுடியில் தரித்தவனும்; என் தந்தையும்; சதாசிவ வர்க்கத்தின் தலைவனுமான சிவபிரான் அருளிய குமாரனே!  மான்போன்ற விழியாளான வள்ளியை அளவற்ற திருவருளால் விரும்பி மணந்துகொண்டவனும், திரிசிராப்பள்ளி என்ற பெயரை (மட்டுமேகூட) உச்சரிப்பவர்களுடைய மனமாகிய தலத்தில் வீற்றிருப்பவனுமான பெருமாளே! (இவனிருக்க),</em></p><p align="justify"><em>ஐயோ மனமே நிலையற்ற இந்த உடலை நிலையானது என்று நம்பிவிடாதே.  இது இன்பங்களாலும் துன்பங்களாலும் கோத்து பிரமன் பூட்டிய யந்திரம்.  இது அழியும் என்று அஞ்சாமல் இருக்க இனியும் முடியாது.  கிரெளஞ்ச மலையைத் தூளடித்துப் பஞ்சாகப் பறக்கச் செய்த வேலவனுக்கு ஒழியாத அன்பை உடையவர்களாக ஆகலாம் வா.  எதையெதையோ இனிது என்று எண்ணி இந்த உடலை வீணே அழித்துவிடாமல் வேலவனுக்கு அன்படிமைகளாக ஆகலாம் வா.  வந்தோமோ?  இதுதான் நமக்கு நற்கதி.  ஆண்டவன் நம்மை ஆண்டுகொள்வதற்கு உரிய வழி.  இதோபார்.  அவன் நமக்குத் தந்துள்ள உறுதிச் சீட்டும், கட்டி அனுப்பிய திருநீற்றுப் பொட்டலமும் உள்ளன.  எனவே அவன் நம்மை வந்து ஆண்டுகொள்ள வெகுவாக உவந்திருக்கிறான் என்பது நிச்சயம்.  இதற்குமேல் நாம் பின்பற்ற நெறிமுறைகளென்று ஏதும் இருக்கின்றதா என்ன!  ஆகவே மனமே, நீ உய்யவேண்டும் ஆகையாலே, ‘மைந்தா, குமரா’ என்று ஓதுவதை ஒருபோதும் மறவாதே.</em></p>