பகுதி - 257

</p><p align="justify"><iframe height="200" src="https://w.soundcloud.com/player/?url=https%3A//api.soundcloud.com/tracks/265815883&auto_play=false&hide_related=false&show_comments=true&show_user=true&show_reposts=false&visual=true" width="50%" /></p><p align="justify"> </p><p align="justify"><strong>செட்டாகத் தேனைப் போலச் சீரைத் தேடித் திட்பம் அதாக</strong> ... தேர்ந்தெடுத்த, சிக்கனமான, தேன்போன்ற சொற்களையும் கருத்தையும் தேடி; உறுதி நிறைந்த வாக்காலே,</p><p align="justify"><strong>திக்காமல் பாடு உற்றாரில் சீர் உற்றாருக்குச் சில பாடல்</strong> ... திக்கித் திணறாமல் சரளமாகப் பாட வல்லவர்களைப் போல நானும் செல்வந்தர்களிடம் சென்று, சில பாடல்களை,</p><p align="justify"><strong>பெட்டாகக் கூறிப் போதத்தாரைப் போல் வப்புற்று உழலாதே</strong> ... மயக்கக்கூடிய பொய்யான மொழியால் பாடியும்; ஞானியரைப் போல பாவித்துக்கொண்டும் காலத்தை வீணாக்கியபடித் திரியாமல்;</p><p align="justify"><strong>பெற்றாரில் சார்வுற்றாய் நல் தாள் சற்று ஓதப் பெற்றிடுவேனோ</strong> ... பெற்றோரைப் போல என்னிடத்திலே அன்புகாட்டித் துணை நிற்பவனே, உன்னுடைய திருவடியைச் சிறிதேனும் ஓதித் துதிக்கும் பாக்கியத்தை அடைவேனோ?</p><p align="justify"><strong>எட்டா(து) நெட்டாகத் தோகைக்கே புக்கு</strong>... பெருமை நிறைந்த மயிலின்மேல் தாவிப் பாய்ந்தேறி,</p><p align="justify"><strong>ஓலத்திட்டு இமையோர்</strong> <strong>வானில் பாரில் சூழச் சூரைத் தான் எட்டா வெட்டிப் பொரும் வேலா</strong> ... தேவர்கள் வானத்திலும் பூமியிலும் கதறியபடி உன்னைச் சூழ்ந்து நிற்க; சூரனை அடைந்து, அவனை வெட்டிவீழ்த்திப் போரிடும் வேலா! (<em>சூரனை எட்டாக—எட்டு துண்டுகளாக—வெட்டிப் போரிடும் என்று சொன்னாலும் பொருந்தும்</em>)</p><p align="justify"><strong>முட்டாமல் தாளைச் சேவிப்பார் முன் பாவத்தைக் களைவோனே</strong> ... வழிபடுவதில் சற்றும் முட்டுப்பாடின்றி—நிறுத்தாமல்—உன் திருவடிகளை வணங்குபவர்களுடைய முந்தைய பாவங்களை நீக்குபவனே!  (<em>முருகனை வணங்கிய பின்னர் பாவம் அணுகாததால், முற்பாவங்களைக் களைவோன் என்றார்</em>.)</p><p align="justify"><strong>முத்தா முத்தீ அத்தா சுத்தா முத்தா முத்திப் பெருமாளே.</strong> ... முத்தைப்போல அருமை வாய்ந்தவனே!  மூன்று வகை அக்கினியாலும் செய்யப்படும் வேள்விக்குத் தலைவனே!  பரிசுத்தனே!  முக்தனே—பற்றற்றவனே! முக்தியைத் தரும் பெருமாளே!</p><p align="justify"> </p><p align="justify"><em>சுருக்க உரை</em></p><p align="justify"><em>தேவர்கள் ‘அபயம் அபயம்’ என்று கதறியபடி வானத்திலும் பூமியிலும் உன்னைச் சூழ்ந்துகொள்ள, பெருமைவாய்ந்த மயிலின் மேல் தாவிப் பாய்ந்தேறி, சூரனை எட்டுத் துண்டுகளாக வெட்டிவீழ்த்திப் போரிடுபவனே!  இடைவிடாமல், தடைப்படாமல் உன்னுடைய திருப்பாதங்களை வழிபடுபவர்களுடைய முந்தைய பாவங்களைக் களைபவனே!  முத்துப்போல அருமைவாய்ந்தவனே!  மூன்று வகையான தீயைக் கொண்டு செய்யப்படும் வேள்விகளின் தலைவனே!  பரிசுத்த மூர்த்தியே!  பற்றற்றவனே!  முக்தியைத் தரும் பெருமாளே!</em></p><p align="justify"><em>சிக்கனமானதும், தேர்ந்தெடுத்ததும், தேன்போன்றதுமான சொற்களால் கட்டப்பட்ட சில பாடல்களை, சரளமாகவும் தங்குதடையின்றியும் பாடும் புலவர்களைப் போல நானும் பொருள் படைத்தவர்களை அணுகி, அவர்களை மயக்கவல்ல பொய்யான மொழிகளால் அவர்களைப் பாடியும்; ஞானியரைப் போல பாவனை காட்டிக்கொண்டும் வீணே காலத்தைக் கழிக்காமல், என்னைப் பெற்றவர்களைப் போல என்னிடத்திலே அன்புகாட்டித் துணைநிற்கும் உன்னுடைய நல்ல திருவடிகளை ஓதிப் போற்றும் பாக்கியத்தை அடைவேனோ?  (அந்த பாக்கியத்தைத் தந்தருள வேண்டும்.)</em></p>