தாய்மொழி அறிய  பாடம் கற்றல் 
தெளிவாகும் அறிவார்ந்த சிந்தனை 
பிறமொழிக் கல்வி பயிலின் மழுங்குமே   
திறன்மிகு புத்திக் கூர்மை !

தாய்மொழிப் பகன்று வாழ்தல் 
தகைசான்ற வாழ்வின் விளக்கம் !
அயல் மொழிப் பேசி நித்தம் 
அன்னைமொழி மறக்கலாமா ?

பொதியென புத்தகங்கள் பள்ளிக்கு 
விதியென்று பிள்ளைகள் சுமக்கலாமோ ?
விளையாட்டாய்க் கல்விதனை நாளும் 
விளம்பிடில் வாழ்வு சுவைக்குமன்றோ !

தனித்திறன் பகுத்தறிந்துப் பாங்காய் 
இனித்திடும் கல்விதனைக் காலத்தே 
விதைத்திட மறக்கலாயின் தலமறியா 
யாத்திரையாய் வழிதவறிய பயணமாகும் !