நிழலில் தேடிய நிஜம்: கவி.சுசிமணாளன் 

நிழலில் தேடிய நிஜம் இவர்  மாய 
உலகில் மூழ்குவர் நித்தம்...!

நித்தம் நித்தம் சித்தமெல்லாம்- நடிகனின் 
நினைப்போடிருப்பர் -சொந்த 
நிலை காணாது கனவில் திளைப்பார் 
தாய் தந்தை நலன் மறப்பர் காண்!

பக்கமிருக்கும் நண்பன் நேசம் மறப்பர் -ஆங்கே
பகலிரவு பாராது முகநூலில் நட்பு வளர்ப்பர் 
மிச்சமிருக்கும் நாணம் கூட விற்பார் -அவர் 
எச்சங்களை கடைப் பரப்பி விற்பார்!

முகம் புதைத்த முகநூல் கிரீச்சு -கெட்ட
அகம் தைத்த நட்பே கூடாது கேள் 
நித்தம் ஒரு புத்தகம் படி நாளும் 
சித்தம் தெளிவுற நூலைப் படி!

நிழலில் தேடிய நிஜம் நீ ஒருநாள் 
வெயிலில் காயும்போது உணர்வாய் 
நிதர்சனம் இதுவே கேளாய் நட்பே!