""அந்த போட்டோகிராபரோட பொண்ணை காதலிச்சியே, என்ன ஆச்சு?''
""க்ளிக்ஆயிடுச்சு மாமூ...டெவலப் பண்ணிட வேண்டியதுதான் !''

 ""இது எந்த ஊரு? இதுக்கு முன்னாடி எப்பவோ இங்க வந்த மாதிரி இருக்கே?''
""கொஞ்சம் மெதுவாகப் பேசுங்க. நீங்க எம்.எல்.ஏ. வாக ஜெயிச்ச தொகுதி இதுதான்''

""எதுக்கு டாக்டர்... நடிகைகளின் கவர்ச்சிப் படத்தையெல்லாம் மாட்டி வெச்சிருக்கீங்க?''
"ஆ'ன்னு வாயைத் திறங்கன்னு சொல்லிச் சொல்லி அலுத்துப் போச்சு... அதான் இப்படி !''

""உலகத்தை மாற்ற வேண்டும் என்று நினைத்தால் கல்யாணத்துக்கு முன்பே முயற்சி செய்'' ""ஏன் அப்படி ?''
""கல்யாணத்திற்கு அப்புறம் உன்னால் டி.வி சேனலைக் கூட மாற்ற முடியாது''

 ""எப்போதும் தமிழில்தான் அர்ச்சனை''
""எந்தக் கோயிலில் ?''
""என் வீட்டில்தான் !''

""கூட்டு பிரமாதம்... அடடே... பொரியலும் அற்புதம்டி''
""போதுங்க... தற்பெருமைய நிறுத்திட்டு சாப்பிடுங்க''

அசோக்ராஜா,
அரவக்குறிச்சிப்பட்டி.