"" நீ வைச்ச புதினா சட்னி பிரமாதம் போ... 
எல்லாத்தையும் ஊத்தி இட்லிக்கு நானே தொட்டு சாப்பிட்டுட்டேன்!''
"" அடப்பாவி மனுஷா!  அது கைக்கு வைக்க அரைத்து வைத்திருந்த மருதாணி இலைய்யா!''

-  எம். ஆர். பாலசுப்பிரமணியம்,  
பள்ளிப்பட்டு. 

""ஏம்பா...சர்வர்.. பூரியில் ஸ்பெஷலுக்கும் , சாதாவுக்கும்  என்ன  வித்தியாசம்?''
""போன வாரம்  செஞ்சது சாதா; இன்னிக்கி  செஞ்சது ஸ்பெஷல்...உங்களுக்கு  எது வேணும்?''

- அ.செந்தில்குமார்,  
சூலூர். 

""அந்தப் பாம்பாட்டி பாவம். ஏன் அழறாரு''
""அவரோட பாம்பு படம் எடுக்காம சீரியல் எடுக்குதாம்''

-தீபிகா சாரதி,
சென்னை.

""எதுக்கு உன் புருஷன் செல்போனை போட்டு உடைச்சே!''
""அவரோட செல்போனில் என் நம்பரை போட்டு அனகோண்டான்னு பதிவு பண்ணியிருக்காரு''

-கே.இந்து குமரப்பன்,
விழுப்புரம்.

""ஏன் எல்லோரையும் ஆபிசு வந்தே, வேலை பார்க்கச் சொல்லிட்டாங்க''
""வீட்டுல இருந்தபடி ரெண்டு, மூணு கம்பெனியில வேலை பார்க்க ஆரம்பிச்சுட்டாங்களாம்..''

-எஸ்.மோகன்,
கோவில்பட்டி.

""உங்க மனைவியின் கோபத்தை எப்படி மடைமாற்றம் செய்வீங்க..?''
""என் தலையைக் கொடுத்துத்தான்!''

-கு.அருணாசலம்,
தென்காசி.